Тема 1 : Сеќавање и помирување

 

Историјата за промоција на мир и создавање заедништво во Европа

Од 2013 година, соработката помеѓу Нормандија и Северна Македонија работи на темата Сеќавање, мир и помирување на воените конфликти. Оваа тема стана дел од програмата за соработка поради заедничката историја која ја споделуваат двете територии. Француската армија била стационирана на Македонскиот фронт на територијата на сегашна Република Северна Македонија иако тој дел од историјата на Првата светска војна е мошне непознат во Франција како и во Северна Македонија. Македонскиот фронт е централната историска точка која ги поврзува двете земји. Спроведувајќи активности кои го обработуваат овој дел од заедничката историја овозможи да се зацврстат односите помеѓу Франција и Северна Македонија но, и отвори нови перспективи за соработка на темата сеќавање, мир и помирување. За оваа тема од особена важност се размените и дискусиите во областа на образованието кои придонесуваат да се создадат подобри и поодржливи односи помеѓу државите во Европа.

 

Меморијалниот туризам: важен за развојот на двете територии

Во Нормандија, во 2014 година се организираше комеморација од Истоварувањето на сојузничките сили на плажите во Нормандија, се започна исто така и постапка за прогласување на плажите на Истоварувањето како светско културно наследство од страна на УНЕСКО. По Втората светска војна, Нормандија работеше на тоа да развие експертиза во областа на Меморијалниот туризам, по што денес, регионот е меѓународно познат и препознаен по искуството и експертизата во оваа област. Во Северна Македонија, комеморациите на Стогодишнината од Првата светска војна како и постоењето на археолошки остатоци од Македонскиот фронт во јужниот дел од Република Северна Македонија овозможија да се отвори одново темата за историјата на овој конфликт.

Активностите на тема Сеќавање и помирување вклучуваат голем број разновидни партнери и се спроведува на локално ниво, тие имаат за цел да овозможат размени, научни истражувања и да го подобри познавањето за историјата на Македонскиот фронт во Франција и Република Северна Македонија. Oваа тема ќе овозможи и дискусии за европското граѓанство преку колективната историја за подобар соживот во Европа. 

Темата „ Сеќавање и помирување“ опфаќа голем број активности со разновидни партнери, вклучувајќи ги следните главни активности:

 

  1. НОРМАНДИЈА ЗА МИР: СЕЌАВАЊЕ НА ПРВАТА СВЕТСКА ВОЈНА И МАКЕДОНСКИОТ ФРОНТ

Регионот Нормандија во соработка со партнерите од Северна Македонија ја продолжуваат четиригодишната соработка на оваа тема со програма која има за цел да ги продолжи активностите и размените спроведени во претходните години: научни конференции, истражувања и размени, вреднување на културното наследство, развој на меморијалниот туризам итн. 

  1. ПРВА СВЕТСКА ВОЈНА: СЕЌАВАЊЕ И ПОМИРУВАЊЕ

Соработката помеѓу Коломбел и Новаци продолжува со своите активности за промовирање на европското граѓанство преку сеќавање и помирување на тема Прва светска војна и Македонскиот фронт. Партнерите се стремат да ги доближат културите на двете земји до локалните заедници и особено до младите преку културни и комеморативни настани.

3. МЛАДИНСКА РАЗМЕНА ЗА СЕЌАВАЊЕ И МИР

Соработката помеѓу средните училишта „Тома Паске“ од Кутанс и „Јосип Броз Тито“ од Битола се одвива преку размени и студиски посети на тема Сеќавање, мир и помирување како и мултидисциплинарни работилници за заедничката историја и култура која ја споделуваат двете земји особено на тема Прва и Втора светска војна. 

Нови предизвици за соработката помеѓу Коломбел и Новаци

Нови предизвици за соработката помеѓу Коломбел и Новаци
Posted: апр 1, 2019
Comments: 0
Author: Alda

Во периодот од 27 до 31 март 2019 година делегација предводена од градоначалникот на општина Коломбел, г. Марк Потје беше во официјална посета на општина Новаци. 

Почнувајќи од 2015 година, двете општини соработуваат во рамките на програмата за децентрализирана соработка помеѓу Нормандија и Северна Македонија. Во текот на изминатите години се спроведоа многубројни активности на тема историја и сеќавање на Првата светска војна и Македонскиот фронт како и на тема млади , култура и културно наследство, одржлив развој и локална демократија.

За време на прославата на 23 годишното постоење и функционирање на општина Новаци и свечената седница на советот на општината одржана на 29 март 2019 година, градоначалниците на двете општини, г. Марк Потје и г. Љубе Кузманоски потпишаа Меморандум за соработка и разбирање. Соработката помеѓу двете општини за прв пат беше официјализирана на 11 ноември 2016 година.

Двајцата градоначалници го потврдија нивниот ангажман и најавија дека активностите продолжуваат со иста динанамика и на различни теми кои се од важност за двете општини и нивно отворање кон светот. 

За време на настанот општина Коломбел и Европската асоцијација за локална демократија – АЛДА добија благодарница за успешно партнерство и соработка.

АЛДА е координатор на програмата за децентрализирана соработка помеѓу чинители од регионот Нормандија и Северна Македонија.

Print
Tags:

Name:
Email:
Subject:
Message:
x