Тема 1 : Сеќавање и помирување

 

Историјата за промоција на мир и создавање заедништво во Европа

Од 2013 година, соработката помеѓу Нормандија и Северна Македонија работи на темата Сеќавање, мир и помирување на воените конфликти. Оваа тема стана дел од програмата за соработка поради заедничката историја која ја споделуваат двете територии. Француската армија била стационирана на Македонскиот фронт на територијата на сегашна Република Северна Македонија иако тој дел од историјата на Првата светска војна е мошне непознат во Франција како и во Северна Македонија. Македонскиот фронт е централната историска точка која ги поврзува двете земји. Спроведувајќи активности кои го обработуваат овој дел од заедничката историја овозможи да се зацврстат односите помеѓу Франција и Северна Македонија но, и отвори нови перспективи за соработка на темата сеќавање, мир и помирување. За оваа тема од особена важност се размените и дискусиите во областа на образованието кои придонесуваат да се создадат подобри и поодржливи односи помеѓу државите во Европа.

 

Меморијалниот туризам: важен за развојот на двете територии

Во Нормандија, во 2014 година се организираше комеморација од Истоварувањето на сојузничките сили на плажите во Нормандија, се започна исто така и постапка за прогласување на плажите на Истоварувањето како светско културно наследство од страна на УНЕСКО. По Втората светска војна, Нормандија работеше на тоа да развие експертиза во областа на Меморијалниот туризам, по што денес, регионот е меѓународно познат и препознаен по искуството и експертизата во оваа област. Во Северна Македонија, комеморациите на Стогодишнината од Првата светска војна како и постоењето на археолошки остатоци од Македонскиот фронт во јужниот дел од Република Северна Македонија овозможија да се отвори одново темата за историјата на овој конфликт.

Активностите на тема Сеќавање и помирување вклучуваат голем број разновидни партнери и се спроведува на локално ниво, тие имаат за цел да овозможат размени, научни истражувања и да го подобри познавањето за историјата на Македонскиот фронт во Франција и Република Северна Македонија. Oваа тема ќе овозможи и дискусии за европското граѓанство преку колективната историја за подобар соживот во Европа. 

Темата „ Сеќавање и помирување“ опфаќа голем број активности со разновидни партнери, вклучувајќи ги следните главни активности:

 

  1. НОРМАНДИЈА ЗА МИР: СЕЌАВАЊЕ НА ПРВАТА СВЕТСКА ВОЈНА И МАКЕДОНСКИОТ ФРОНТ

Регионот Нормандија во соработка со партнерите од Северна Македонија ја продолжуваат четиригодишната соработка на оваа тема со програма која има за цел да ги продолжи активностите и размените спроведени во претходните години: научни конференции, истражувања и размени, вреднување на културното наследство, развој на меморијалниот туризам итн. 

  1. ПРВА СВЕТСКА ВОЈНА: СЕЌАВАЊЕ И ПОМИРУВАЊЕ

Соработката помеѓу Коломбел и Новаци продолжува со своите активности за промовирање на европското граѓанство преку сеќавање и помирување на тема Прва светска војна и Македонскиот фронт. Партнерите се стремат да ги доближат културите на двете земји до локалните заедници и особено до младите преку културни и комеморативни настани.

3. МЛАДИНСКА РАЗМЕНА ЗА СЕЌАВАЊЕ И МИР

Соработката помеѓу средните училишта „Тома Паске“ од Кутанс и „Јосип Броз Тито“ од Битола се одвива преку размени и студиски посети на тема Сеќавање, мир и помирување како и мултидисциплинарни работилници за заедничката историја и култура која ја споделуваат двете земји особено на тема Прва и Втора светска војна. 

Повик за апликанти за Freedom Prize: “Нашиот кандидат, неговата борба за слобода“

Повик за апликанти за Freedom Prize: “Нашиот кандидат, неговата борба за слобода“
Posted: дек 3, 2018
Comments: 0
Author: Alda

Во јуни 2018 година, регионот Нормандија претстави нов образовен метод посветен на промоција на мир, слобода и човекови права на меѓународно ниво. Тоа е наградата насловена: Freedom Prize.

Наградата Freedom Prize оддава почит на сите кои се бореле и продолжуваат да се борат за идеалот на универзална слобода. Оваа награда е создадена од страна на Регионот Нормандија во соработка со академските кадри во Нормандија, мрежата „Canopé Normandie“ и Меѓународниот институт за човекови права и мир. Наградата им дава можност на сите млади луѓе ширум светот секоја година да предложат една личност или асоцијација, посветена на борбата за слобода.

Повикот за апликанти “Нашиот кандидат, неговата борба за слобода“ претставува можност за групи млади луѓе, под менторство на возрасно лице да ја презентираат работата на јавна личност или организација и нивната неодамнешна борба за слобода.

Апликантите треба да пополнат формулар со добро осмислена истражувачка работа и документарно истражување, се со цел учесниците да ја аргументираат избраната борба на нивниот кандидат и нејзиниот контекст. Овој повик за апликации е исто така можност да се промовираат борби за слобода, кои имаат мала медиумска покриеност.

Младите учесници исто така можат да изберат да направат кратки видео презентации за да го претстават својот кандидат како и да создадат креативно уметничко творештво на темата слобода. Изработените материјали ќе може да се искористат за промоција за кандидатите кои се финалисти на кампањата за дигитално гласање, на церемонијата за доделување на награди како и на социјалните мрежи. Групите кои што ќе ги испратат најрелевантните и најтемелните апликации за Наградата за борците за мир и слобода ќе бидат поканети на церемонијата на доделување на наградите во јуни 2019 година, во Каен, Нормандија, на која ќе присуствува победникот.

За повеќе информации за повикот за апликации “Нашиот кандидат, неговата борба за слобода“ можете да го погледнете ОВА ВИДЕО на англиски јазик.

АПЛИЦИРАЊЕ НА ПОВИКОТ “НАШИОТ КАНДИДАТ, НЕГОВАТА БОРБА ЗА СЛОБОДА“

Секоја група млади луѓе на возраст од 15 до 25 години под менторство на возрасно лице, може да учествува во оваа акција. Групите можат да учествуваат како дел од програмата за образование, високо образование, обука, преку добротворна организација или пак по сопствена иницијатива. Апликацијата може да биде поднесена од страна на неколку институции, како дел од меѓународна соработка или било кое друго партнерство. На повикот може да се аплицира на француски или англиски јазик.

Повикот за поднесување кандидатура на индивидуални личности или асоцијации е отворен до 15 јануари 2019 година. За како да аплицирате на повикот посетете ја интернет страницата на Регионот Нормандија “Нашиот кандидат, неговата борба за слобода“ или Фејсбук страницата на Freedom Prize.

Print
Tags:

Name:
Email:
Subject:
Message:
x