Тема 1 : Сеќавање и помирување

 

Историјата за промоција на мир и создавање заедништво во Европа

Од 2013 година, соработката помеѓу Нормандија и Македонија работи на темата Сеќавање, мир и помирување на воените конфликти. Оваа тема стана дел од програмата за соработка поради заедничката историја која ја споделуваат двете територии. Француската армија била стационирана на Македонскиот фронт на територијата на сегашна Република Македонија иако тој дел од историјата на Првата светска војна е мошне непознат во Франција како и во Македонија. Македонскиот фронт е централната историска точка која ги поврзува двете земји. Спроведувајќи активности кои го обработуваат овој дел од заедничката историја овозможи да се зацврстат односите помеѓу Франција и Македонија но, и отвори нови перспективи за соработка на темата сеќавање, мир и помирување. За оваа тема од особена важност се размените и дискусиите во областа на образованието кои придонесуваат да се создадат подобри и поодржливи односи помеѓу државите во Европа.

 

Меморијалниот туризам: важен за развојот на двете територии

Во Нормандија, во 2014 година се организираше комеморација од Истоварувањето на сојузничките сили на плажите во Нормандија, се започна исто така и постапка за прогласување на плажите на Истоварувањето како светско културно наследство од страна на УНЕСКО. По Втората светска војна, Нормандија работеше на тоа да развие експертиза во областа на Меморијалниот туризам, по што денес, регионот е меѓународно познат и препознаен по искуството и експертизата во оваа област. Во Македонија, комеморациите на Стогодишнината од Првата светска војна како и постоењето на археолошки остатоци од Македонскиот фронт во јужниот дел од Република Македонија овозможија да се отвори одново темата за историјата на овој конфликт.

Активностите на тема Сеќавање и помирување вклучуваат голем број разновидни партнери и се спроведува на локално ниво, тие имаат за цел да овозможат размени, научни истражувања и да го подобри познавањето за историјата на Македонскиот фронт во Франција и Република Македонија. Oваа тема ќе овозможи и дискусии за европското граѓанство преку колективната историја за подобар соживот во Европа. 

Темата „ Сеќавање и помирување“ опфаќа голем број активности со разновидни партнери, вклучувајќи ги следните главни активности:

 

  1. НОРМАНДИЈА ЗА МИР: СЕЌАВАЊЕ НА ПРВАТА СВЕТСКА ВОЈНА И МАКЕДОНСКИОТ ФРОНТ

Регионот Нормандија во соработка со партнерите од Македонија ја продолжуваат четиригодишната соработка на оваа тема со програма која има за цел да ги продолжи активностите и размените спроведени во претходните години: научни конференции, истражувања и размени, вреднување на културното наследство, развој на меморијалниот туризам итн. 

  1. ПРВА СВЕТСКА ВОЈНА: СЕЌАВАЊЕ И ПОМИРУВАЊЕ

Соработката помеѓу Коломбел и Новаци продолжува со своите активности за промовирање на европското граѓанство преку сеќавање и помирување на тема Прва светска војна и Македонскиот фронт. Партнерите се стремат да ги доближат културите на двете земји до локалните заедници и особено до младите преку културни и комеморативни настани.

3. МЛАДИНСКА РАЗМЕНА ЗА СЕЌАВАЊЕ И МИР

Соработката помеѓу средните училишта „Тома Паске“ од Кутанс и „Јосип Броз Тито“ од Битола се одвива преку размени и студиски посети на тема Сеќавање, мир и помирување како и мултидисциплинарни работилници за заедничката историја и култура која ја споделуваат двете земји особено на тема Прва и Втора светска војна. 

Универзитет на мирот 2019: повик за учество!

Универзитет на мирот 2019: повик за учество!
Posted: апр 2, 2019
Comments: 0
Author: Alda

Институтот за човекови права и мир во Каен, со поддршка на Регионот Нормандија и Универзитетот во Каен објавува јавен повик за учество на 19-то издание на Универзитет на мирот, кое ќе се одржи од 17 до 22 јуни 2019 година во Каен, Франција оваа година на тема: „Права на децата, основа за мир“.

Повикот е наменет за млади франкофони од целиот свет кои бараат можност да го усовршат своето знаење за човековите права но исто така и да бидат дел од едно уникатно меѓукултурно искуство. Младите ќе следат предавања под менторство на наставниот кадар составен од амбасадори, претставници на меѓународни организации, експерти и универзитетски професори.

Повикот е отворен до 22 април 2019 година. За да учествувате на овој повик е потребна партиципација од 75 евра со која се покриваат трошоците за престој и храна во времетраењето на Универзитетот. Трошоците за превоз до и од Каен треба да ги покрие учесникот.

 За да учествуваат во овој повик, кандидатите треба да ги исполнуваат следниве услови:

  • да се на возраст од 20 до 28 години
  • да бидат франкофони
  • да имаат завршено минимум 2 години од универзитетски студии во следниве дисциплини: право, социјални науки, политички науки или историја.

Доколку сакате сакате да аплицирате потребно е да ги поднесете следните документи:

  • Формулар за пријавување (достапен подолу),
  • Кратка биогрфија,
  • Потврда за последната добиена диплома,
  • Фотографија во JPEG формат,
  • Копија од пасош.

Документите треба да се испратат на следниот мејл: universitedelapaix@2idhp.eu најдоцна до понеделник, 22 април 2019 година.

Повеќе информации за Универзитетот на мирот 2019 ОВДЕ.

Print
Tags:

Documents to download

Name:
Email:
Subject:
Message:
x

Употреба на името „Република Македонија“
Од нејзиното осамостојување во 1991 година, во македонскиот устав е запишано името „Република Македонија“. Сепак, поради признавањето од страна на меѓународните организации и нејзините земји членки, државата се согласи да го користи името „Поранешна Југословенска Република Македонија“, а токму под тоа име, Франција ја призна Македонија како држава.
На оваа интернет страница, поради јазично олеснување, „Поранешната Југословенска Република Македонија“ се нарекува само „Република Македонија“ или „Македонија“. Тоа не означува никаков политички став на Република Франција и на регионот Нормандија кон Македонија.