Тема 4 : Млади

Младите заземаат многу значително место во сработката помеѓу Нормандија и Северна Македонија. Тие се идните граѓани кои носат со себе голем потенцијал за развојот на општеството на двете територии.

Активностите на тема Млади се одвиваат уште од самиот почеток на соработката помеѓу Нормандија и Северна Македонија особено во прилог на поттикнување на ангажманот на младите во јавната сфера и јакнењето на нивните капацитети за да можат понатаму да придонесат во животот на нивните заедници.

Tемата Млади ги опфаќа следните две главни Активности: 

1. ЗАЈАКНУВАЊЕ НА КАПАЦИТЕТИТЕ НА МЛАДИНСКИТЕ РАБОТНИЦИ И ФРАНКОФОНСКИ РАЗМЕНИ 
Асоцијацијата СЕГА во соработка со „Maison pour tous Léo Lagrange“ заеднички работат на оваа активност која подразбира обуки за младински работници, содавање и јакнење на партнерства и споделување и промоција на стекнатата експертиза преку работилници, локални активности и јакнење на капацитети на структурите кои работат со млади во Нормандија и Северна Македонија.

2. МЛАДИТЕ И ЛОКАЛНАТА ДЕМОКРАТИЈА: ОПШТИНСКИТЕ СОВЕТИ НА МЛАДИ ОД ИФ И ДЕБАР
Иф и Дебар работат на вклучување на младите луѓе во локалниот живот преку Општинскиот совет на млади. Партнерите организираат подготвителни активности, студиски посети за соработка помеѓу Советите и заедничка работа на теми кои се релевантни за локалното население на двете територии.

Соработката помеѓу Дебар и Иф продолжува

Соработката помеѓу Дебар и Иф продолжува
Posted: фев 3, 2020
Во периодот од 28 до 32 јануари 2020 година претставници на градот Иф и угостителската гимназија беа во посета на Скопје и Дебар со кој одржуваат долгогодишна соработка.

За време на краткиот престој во Скопје се сретнаа со првиот секретар на француската амбасада во Скопје каде ги претставија идните планови за соработка со општина Дебар. Кратка средба беше организирана во канцеларијата на АЛДА во Скопје како координатор на програмата за соработка помеѓу Нормандија и Македонија.

Во Дебар беа организирани неколку средби во општината на кои се дискутираше за младинските размени кои треба да се остварат во 2020 година помеѓу средношколци од средните училишта во двете општини. Во подготовка се исто така проекти за размена преку ЕРАЗМУС + програмата.
Print
Tags:

Name:
Email:
Subject:
Message:
x