Во периодот од 10 до 17 јули 2019 година во Шербург, Франција се одржа меѓународна средба на млади од Германија, Франција и Северна Македонија.
На размената учествуваа триесетина млади учесници на возраст од 14 до 18 години. Преку разновидната програма младите имаа можност да разменат искуство, да дебатираат, да се запознаат меѓусебно и да ги надминат културните разлики. Беа организирани работилници на тема европско граѓанство и човекови права.
Оваа активност е организирана во рамките на европскиот проект C.O.D.E aBc, во партнерство со француско - германската канцеларија за млади ОФАЖ и програмата за соработка помеѓу Нормандија и Македонија.
Наредните два настани предвидено е да се одржат крај на јули 2019 година во Ерфурт во Германија, и наредното лето во Македонија.