Тема 1 : Сеќавање и помирување

 

Историјата за промоција на мир и создавање заедништво во Европа

Од 2013 година, соработката помеѓу Нормандија и Северна Македонија работи на темата Сеќавање, мир и помирување на воените конфликти. Оваа тема стана дел од програмата за соработка поради заедничката историја која ја споделуваат двете територии. Француската армија била стационирана на Македонскиот фронт на територијата на сегашна Република Северна Македонија иако тој дел од историјата на Првата светска војна е мошне непознат во Франција како и во Северна Македонија. Македонскиот фронт е централната историска точка која ги поврзува двете земји. Спроведувајќи активности кои го обработуваат овој дел од заедничката историја овозможи да се зацврстат односите помеѓу Франција и Северна Македонија но, и отвори нови перспективи за соработка на темата сеќавање, мир и помирување. За оваа тема од особена важност се размените и дискусиите во областа на образованието кои придонесуваат да се создадат подобри и поодржливи односи помеѓу државите во Европа.

 

Меморијалниот туризам: важен за развојот на двете територии

Во Нормандија, во 2014 година се организираше комеморација од Истоварувањето на сојузничките сили на плажите во Нормандија, се започна исто така и постапка за прогласување на плажите на Истоварувањето како светско културно наследство од страна на УНЕСКО. По Втората светска војна, Нормандија работеше на тоа да развие експертиза во областа на Меморијалниот туризам, по што денес, регионот е меѓународно познат и препознаен по искуството и експертизата во оваа област. Во Северна Македонија, комеморациите на Стогодишнината од Првата светска војна како и постоењето на археолошки остатоци од Македонскиот фронт во јужниот дел од Република Северна Македонија овозможија да се отвори одново темата за историјата на овој конфликт.

Активностите на тема Сеќавање и помирување вклучуваат голем број разновидни партнери и се спроведува на локално ниво, тие имаат за цел да овозможат размени, научни истражувања и да го подобри познавањето за историјата на Македонскиот фронт во Франција и Република Северна Македонија. Oваа тема ќе овозможи и дискусии за европското граѓанство преку колективната историја за подобар соживот во Европа. 

Темата „ Сеќавање и помирување“ опфаќа голем број активности со разновидни партнери, вклучувајќи ги следните главни активности:

 

  1. НОРМАНДИЈА ЗА МИР: СЕЌАВАЊЕ НА ПРВАТА СВЕТСКА ВОЈНА И МАКЕДОНСКИОТ ФРОНТ

Регионот Нормандија во соработка со партнерите од Северна Македонија ја продолжуваат четиригодишната соработка на оваа тема со програма која има за цел да ги продолжи активностите и размените спроведени во претходните години: научни конференции, истражувања и размени, вреднување на културното наследство, развој на меморијалниот туризам итн. 

  1. ПРВА СВЕТСКА ВОЈНА: СЕЌАВАЊЕ И ПОМИРУВАЊЕ

Соработката помеѓу Коломбел и Новаци продолжува со своите активности за промовирање на европското граѓанство преку сеќавање и помирување на тема Прва светска војна и Македонскиот фронт. Партнерите се стремат да ги доближат културите на двете земји до локалните заедници и особено до младите преку културни и комеморативни настани.

3. МЛАДИНСКА РАЗМЕНА ЗА СЕЌАВАЊЕ И МИР

Соработката помеѓу средните училишта „Тома Паске“ од Кутанс и „Јосип Броз Тито“ од Битола се одвива преку размени и студиски посети на тема Сеќавање, мир и помирување како и мултидисциплинарни работилници за заедничката историја и култура која ја споделуваат двете земји особено на тема Прва и Втора светска војна. 

Регистрирајте се на Регионалниот форум „Сеќавање и меѓукултурен дијалог“

Регистрирајте се на Регионалниот форум „Сеќавање и меѓукултурен дијалог“
Posted: дек. 14, 2020
Comments: 0
Author: Alda

Не пропуштајте да се регистрирате на Регионалниот Форум „Сеќавање и меѓукултурен дијалог“ кој ќе се одржи на Зум платформата на 21 и 22 декември 2020 година.

Поблиската балканска историја е обележана со периоди на конфликти, војни и одлуки за прекројување на граници. Овие регионални настани истовремено ќе ги дефинираат политичките, економските и социјалните системи на земјите од Балканот. Наследството од блиското минато останува важно прашање што мора да се гледа од различни перспективи за да ги интензивираме нашите напори за заедничка иднина.

Прашањето како да се пристапи кон сеќавањето не треба да остане во историјата. Треба да се гледа од интердисциплинарна перспектива и да се промовира меѓукултурното разбирање и дијалог. Приказната треба да се претстави на начин што зема предвид разни искуства на различни нивоа и социјални групи.

На регионалниот форум ќе се дискутира за предизвиците и можноста за градење на заеднички наратив за балканскиот регион. Конференцијата ќе ги потенцира добрите практики во сеќавањето и меѓукултурниот дијалог, вклучително и сесии за размена на искуства за различни под-теми како што се млади, културен туризам, јазици, интеграција во ЕУ и лажни вести.

Форумот ќе обедини претставници на граѓански организации, како и културни и образовни институции кои работат на темата помирување и меѓукултурен дијалог.

Главната цел на овој настан е да се придонесе кон приближување на Европската унија до земјите од Западен Балкан преку регионална соработка, меѓукултурен дијалог и помирување.

 

Регистрирајте се  ТУКА!

Сесиите на Форумот се на англиски јазик.

Настанот е организиран од страна на Европската асоцијација за локална демократија – АЛДА Скопје во соработка со Балканската мрежа за локална демократија, финанссиски подржан од Централно европската иницијатива, програмата Нормандија за мирот на Регионот Нормандија, Фондот за Западен Балкан и Европската комисија.

 

Print
Tags:

Name:
Email:
Subject:
Message:
x