Децентрализирана соработка помеѓу Нормандија и Македонија

Тема 4 : Млади

Младите заземаат многу значително место во сработката помеѓу Нормандија и Северна Македонија. Тие се идните граѓани кои носат со себе голем потенцијал за развојот на општеството на двете територии.

Активностите на тема Млади се одвиваат уште од самиот почеток на соработката помеѓу Нормандија и Северна Македонија особено во прилог на поттикнување на ангажманот на младите во јавната сфера и јакнењето на нивните капацитети за да можат понатаму да придонесат во животот на нивните заедници.

Tемата Млади ги опфаќа следните две главни Активности:

1. ЗАЈАКНУВАЊЕ НА КАПАЦИТЕТИТЕ НА МЛАДИНСКИТЕ РАБОТНИЦИ И ФРАНКОФОНСКИ РАЗМЕНИ
Асоцијацијата СЕГА во соработка со „Maison pour tous Léo Lagrange“ заеднички работат на оваа активност која подразбира обуки за младински работници, содавање и јакнење на партнерства и споделување и промоција на стекнатата експертиза преку работилници, локални активности и јакнење на капацитети на структурите кои работат со млади во Нормандија и Северна Македонија.

2. МЛАДИТЕ И ЛОКАЛНАТА ДЕМОКРАТИЈА: ОПШТИНСКИТЕ СОВЕТИ НА МЛАДИ ОД ИФ И ДЕБАР
Иф и Дебар работат на вклучување на младите луѓе во локалниот живот преку Општинскиот совет на млади. Партнерите организираат подготвителни активности, студиски посети за соработка помеѓу Советите и заедничка работа на теми кои се релевантни за локалното население на двете територии.

Средношколците од Битола во посета на Нормандија

Posted: ноем. 4, 2019

Categories: Култура и културно наследство, Млади

Од 14 до 18 октомври 2019 година, 30 ученици од гимназијата "Јосип Броз Тито" од Битола го посетија средното градежно училиште од „Томас Пескет“ во Кутанс, Нормандија.

Двете средни училишта започнаа заедничка соработка во 2016 година и до сега се реализирани неколку размени на ученици во Битола и во Нормандија. Проектот има за цел изучување на Македонскиот фронт преку различни активности за мир и помирување.

Досега учениците изработија меморијална плоча која беше подарена на француските гробишта во Битола како спомен за примирјето од Втората светска војна и скулптура која е изложена во спомен музејот во Битола.

Во фокусот на оваа посета беше истражувањето спроведено во архивите во Нормандија, каде беше откриено дека еден војник од Кутанс почива на гробиштата во Битола. Потоа следуваше презентација на неговата биографија и свечено положување цвеќе на спомен плочата.

Овој проект е поддржан од страна на Националното здружение на ветерани и жртви на војната, Здружението на меморија за живот - Вир, програмата за децнтрализирана соработка помеѓу Нормандија и Македонија, Националното здружение на борци, регионот Нормандија, Стогодишната мисија 14-18, Националната федерација Андре Магинот и Дирекцијата за социјална поврзаност на Ла Манш.

Tags:

Тема 4 : Млади

Средношколците од Битола во посета на Нормандија

More links