Роберт Јанкулоски, долгогодишен партнер во соработката помеѓу Нормандија и Македонија беше одликуван со орденот Витез во областа на уметност и книжевност. Одликувањето му беше врачено од страна на Н.Е. господин Кристијан Тимонје, Амбасадор на Франција во Македонија на 9 ноември 2018 година во Француската резиденција во Скопје.
Господин Јанкулоски беше одликуван со овој орден за неговата фотографска креација и истражувачка работа за браќата Манаки и нивната поврзаност со Франција за време на Првата светска војна и потоа.
За време на оваа убава церемонија Н.Е. амбасадорот Тимонје ја истакна важноста на работата и делото на господин Јанкулоски. Господин Јанкулоски ја искажа големата чест која што претставува ова одликување за него и неговото дело, како и неговата работа во иднина.
Господина Јанкулоски е директор на Маекдонскиот центар за фотографија и спроведе повеќе проекти во рамки на соработката помеѓу Нормандија и Македонија, меѓу кои изложба на фотографиите на браќата Манаки во Меморијалот во Каен и монографија на делото на браќата Манаки.