Петтиот регионален франкофонски семинар за родова еднаквост на тема „Економско зајакнување на жените, улогата на жените претприемачи во земјите од Централна и Источна Европа: за предизвиците, напредокот и пречките“ се одржа на 10 и 11 септември 2019 година во Скопје. Настанот беше организиран од страна на Министерството за надворешни работи и Меѓународната организација на Франкофонијата.
На дводневниот семинар учество зедоа околу 25 претставници од приватниот, јавниот и граѓанскиот сектор од 7 балкански земји. Учесниците имаа можност да презентираат, дебатираат и да разменат искуства за улогата и застапеноста на жените во професионалниот сектор, како и начините за нивно економско јакнење.
Настанот беше можност да се претстави искуството на АЛДА во спроведување на активности за јакнење на економската моќ на жените преку неколку примери на спроведени проекти. АЛДА е активен подржувач и промотор на родовата еднаквост во своите активности.
Родовата еднаквост претставува една од приоритетните политики на Меѓународната организација на Франкофонијата и на земјите од Централна и Источна Европа.